التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرفة المميزة    المشرف المميز 
قريبا
أذكار النوم من كتاب حصن المسلم
بقلم : عبير محمد بدر
قريبا
قريبا
آخر 10 مشاركات
حقيبة Hermes تباع بمبلغ خيالي يجعلها أغلى حقيبة (الكاتـب : - مشاركات : 0 - المشاهدات : 3 - الوقت: 07:00 PM - التاريخ: 12-09-2019)           »          أذكار النوم من كتاب حصن المسلم (الكاتـب : - مشاركات : 0 - المشاهدات : 4 - الوقت: 06:52 PM - التاريخ: 12-09-2019)           »          السلام عليكم ورحمة الله وبركاته (الكاتـب : - مشاركات : 2340 - المشاهدات : 171398 - الوقت: 09:54 AM - التاريخ: 12-09-2019)           »          ادعية لمن تحب (الكاتـب : - آخر مشاركة : - مشاركات : 1 - المشاهدات : 35 - الوقت: 05:25 PM - التاريخ: 12-07-2019)           »          حكم وأمثال عن حب الوطن (الكاتـب : - آخر مشاركة : - مشاركات : 1 - المشاهدات : 36 - الوقت: 05:19 PM - التاريخ: 12-07-2019)           »          العريس ابراهيم حسين الخطيب (الكاتـب : - آخر مشاركة : - مشاركات : 1 - المشاهدات : 167 - الوقت: 03:20 PM - التاريخ: 12-05-2019)           »          صفة صلاة الاستخارة (الكاتـب : - مشاركات : 0 - المشاهدات : 43 - الوقت: 10:40 PM - التاريخ: 12-02-2019)           »          أحاديث نبوية عن الأخلاق (الكاتـب : - مشاركات : 0 - المشاهدات : 19 - الوقت: 10:24 PM - التاريخ: 12-02-2019)           »          أجمل دعاء لشفاء المريض مأثورة من القرآن والسنة (الكاتـب : - مشاركات : 0 - المشاهدات : 28 - الوقت: 10:15 PM - التاريخ: 12-02-2019)           »          أذكار النوم مكتوبة كاملةً ) :- (الكاتـب : - مشاركات : 0 - المشاهدات : 39 - الوقت: 01:26 AM - التاريخ: 12-01-2019)


إهداءات ملتقى شباب عجور




قصص ستي

قسم التراث الفلسطيني


إضافة رد
قديم 05-30-2011, 07:38 PM   #1
النخبة


الصورة الرمزية تحرير
تحرير غير متواجد حالياً

بيانات اضافيه [ + ]
 رقم العضوية : 2018
 تاريخ التسجيل :  Nov 2010
 أخر زيارة : 01-09-2013 (10:02 PM)
 المشاركات : 1,351 [ + ]
 التقييم :  10
 الدولهـ
Palestine
 الجنس ~
Female
 MMS ~
MMS ~
 الاوسمة
وسام الوفاء 
لوني المفضل : Midnightblue

الاوسمة

Lastpost قصص ستي



نقرتين لعرض الصورة في صفحة مستقلة



قصص ستي ...(موسوعة من قصص التراث الفلسطيني)
________________________________________
كَــانْ يَـامَـا كَــانْ .. يَـا سَــادَةْ يَــا كِــرَامْ


من قصص التراث الشعبي الفلسطيني

فلسطين بعتت سلام للجميع..
و حكتلي...
قولي لولادي..
اشتقت كتير للقعدات الحلوة..
ضو القمر..و قلوب الحبايب..
و القصص الندية..
و الحكاوي..

تعالوا لنرَجع ايام زمان..

كل يوم قصة ..كل يوم حكاية..
مش لحتى انّام..
عشان يصحى فينا اشي ما بينام..

ليالي كانت في فلسطين..
و قصص نحكيها لنبقى احنا في الوطن عايشين

فلسطين بتسلم عليكم..

و بتقولكم....

كان يا ما كان يا مستمعين الكلام... و ما يحلى الحكي الا بالصلاة على محمد خير الانام...

زيدوا المصطفى صلاة...

هادا يا سادة يا كرام...يا اهل الجود و الإكرام..
كان في...
و لما كان في...كان هناك كل شي..
كان في بلد ما تعرف الشمس غيرها وطن...
و القمر فيها وجه صبية مليحة..
و كان فيها ناس...الحب و الخير فيها اساس..

كان يا ما كان..

وطن...حب...سلام...أمن...شجر...عمر...قمر...

كان يا ما كان..

كان في وطن...اسمه فلسطين...

و يا حبابي يا سامعين...ما في متلها اتنين.
ما بدي اكتر عليكم حكي...

طلع في يوم عليها الصبح...
هجمت الديابه....و ما كانت خيابه..
هجموا على البيوت...على الكروم...ع الخوابي...حرقوا الروابي..
و قلعوا عين الصبية...
و طفوا الشمس...

و صار الشعب الحر ساكن بخيام...
و ما بكي عليهم حد..لانه البكي بده زلام...
و في هالعالم ما كان زلام غيرهم..
سكنوا بالخيام..

ايش ضل بالقصة..!!!

طلعوا عليهم بقصة توطين..و اكياس طحين..
يا ويلي ع المساكين..

طلع فيهم منادي و قال:

يا عالم يا هووووو!!!!!
يا سامعين الصوت..
و رب السما و الدنيا..ترابك يا فلسطين ما يهون.
انا لاجئ ساكن بخيمتى لحتى ارجع او القيامة تقوم..
ما برضى بالذل..
راح ابقى عربي فلسطيني..
عاشق ع طول العمر..
عشقي فلسطيني

يا سامعين الصوت..

انا فلسطيني..
انا فلسطيني..
انا فلسطيني

و هيك يا سادة يا كرام..
صلوا ع المصطفي قبل ما نكمل الكلام..

و بقى الفلسطيني جرح بصدر الزمان..
حامل جروحه و ين ما كان..

لسّه ما بدت القصة لحتى تنتهي..
لسّه الحكي قدام..

بس الفلسطيني و صاني ابلغكم السلام..

و بوصيكم..

ادعولهم..لحتى ربي يفرج الكرب..و يرجعوا زي زمان....


 
 توقيع : تحرير



عندما تعشق القدس ..حبا لو تدريه ..لو تعيشه ..لما لمتني ياصاح
أيها العالم فاعلم اني للقدس أعشق ..واني قد نذرت الروح لها


رد مع اقتباس
قديم 05-30-2011, 07:43 PM   #2
النخبة


الصورة الرمزية تحرير
تحرير غير متواجد حالياً

بيانات اضافيه [ + ]
 رقم العضوية : 2018
 تاريخ التسجيل :  Nov 2010
 أخر زيارة : 01-09-2013 (10:02 PM)
 المشاركات : 1,351 [ + ]
 التقييم :  10
 الدولهـ
Palestine
 الجنس ~
Female
 MMS ~
MMS ~
لوني المفضل : Midnightblue

الاوسمة

افتراضي



حكاية الكووك

كان يا ما كان.... في قديم الزمان، وما يحلى الحكي إلا بذكر النبي... عليه الصلاة والسلام...
كان في عصر الجيش العسملي... يعني أيام الأتراك لما كانت تحكم فلسطين...
كان في فلاح اسمه درويش... وهو مسكين درويش... يمعط الجاجات ويسرق الريش... أهبل على باب الله... وكانت زوجته فهيمة ...فهمانة... بس غلبانه بعيشتها وبمشاكلها مع زوجها الأهبل درويش... يوم ضاقت الدنيا بوجهها... وطفرت الحالة عندها... قالت له:
خذ البقرة اللي حيلتنا... وروح على المدينة وبيعها في السوق... يمكن تجيبلك عشره أو عشرين ليره...
وقامت فهيمه حطت الزاد والزواده لدرويش، وسحبت البقرة وسلمتها له... وقالت له:
اتكل على الله وروح للمدينة... وإرجع قبل ما تغيب الشمس.
سحب درويش البقره... وفي الطريق تعب وجلس يرتاح تحت شجره... وربط البقرة في الشجرة... وفرش منديل الزاد والزواده... ولسه بيقول بسم الله... سمع صوت القوقه (الغراب) فوق الشجره... نظر درويش فوق... وقال لها:
إيش يا قوقه بدك تشتري البقرة...
قالت القوقه:
كوك.... كوك.... كوك
قال لها:
طيب... بتدفعي عشرين ليره.
قالت القوقه:
كوك.... كوك.... كوك
قال لها:
وين المصاري.... تحت الشجرة....
قالت القوقه:
كوك....كوك.... كوك
قام درويش حفر تحت الشجرة... شاف جرة فخار كبيره مليانه ذهب... ليرات ذهب عسمليه... عد عشرين ليره ذهب... ورجع الباقي... ودفن الجرة زي ما كانت... واتطلع فوق... وقال:
هذه البقرة الله يبارك لها فيها... وأنا أخذت حقها والباقي رجعته مطرحه....
قالت القوقه:
كوك.... كوك.... كوك
ودع القوقه وروح على بيته...
استغربت زوجته فهيمة برجوع زوجها قبل موعده... فقالت له:
ما أسرع ما رجعت... وين البقره؟
قال لها:
بعتها للقوقه بعشرين ليره ذهب.
شافت المره الفلوس الذهب وانهبلت... وشدت في خناقه... وما فكته إلا لما حكى لها القصه من طقطق لسلام عليكو...

يتبع...الجزء الثاني من قصة الكوك


 
 توقيع : تحرير



عندما تعشق القدس ..حبا لو تدريه ..لو تعيشه ..لما لمتني ياصاح
أيها العالم فاعلم اني للقدس أعشق ..واني قد نذرت الروح لها


رد مع اقتباس
قديم 05-30-2011, 07:46 PM   #3
النخبة


الصورة الرمزية تحرير
تحرير غير متواجد حالياً

بيانات اضافيه [ + ]
 رقم العضوية : 2018
 تاريخ التسجيل :  Nov 2010
 أخر زيارة : 01-09-2013 (10:02 PM)
 المشاركات : 1,351 [ + ]
 التقييم :  10
 الدولهـ
Palestine
 الجنس ~
Female
 MMS ~
MMS ~
لوني المفضل : Midnightblue

الاوسمة

افتراضي



الجزء الثاني من حكاية الكوك ..

شافت المره الفلوس الذهب وانهبلت... وشدت في خناقه... وما فكته إلا لما حكى لها القصه من طقطق لسلام عليكم...

قالتله:

الله يعطيك العافية

وراحت بسرعة لعند الشجرة... وشافت البقرة مربوطة في مطرحها... بحشت على الجره... ولقتها مليانه ذهب عسملي... حملت الذهب وخبته في أواعيها، وسحبت البقره ورجعت ع البيت... لما شافها درويش صار يصرخ ويلطم على وجه ويقول:
حرام عليك يا مره تسرقي بقرة القوقه
خافت فهيمه أن يشكيها الأهبل للحاكم.... راحت عملت زنقل و زلابيه (حلوى مثل العوامه "لقمةالقاضي") وطلعت فوق السطوح وصارت ترمي عليه... وهو فرحان يلقط ويوكل... ويقول:
يا سلام يا أولاد... الدنيا بتمطر زنقل وزلابيه
وفي يوم زعل درويش من مرته فقال والله لروح للحاكم وأقول أنك سرقت بقرة القوقه واخذت مصاريها...
ما اهتمت فهيمه من كلامه وتهديده....
راح الأهبل للحاكم وحكى له القصة من طقطق لسلام عليكم... استدعىالحاكم التركي فهيمه وسألها عن البقرة وجرة الذهب... فقالتله:
سلامه تسلمك يا سيدي الحاكم... زوجي أهبل ومجنون... بيتهيء له أشياء مابتصير.... وإذا مش مصدقني اسأله وقتيش صارت هذه الحكايه؟؟؟
سأله الحاكم... فقال الأهبل:
يوم ما مطرت الدنيا زنقل و زلابيه...
ضحك الحاكم وقال لفهيمه:
الله يعينك على هاالزوج...خوذي زوجك وروحي على بيتك
قامت فهيمه ولمت عفشاتها ورحلت من بربره على بيرالسبع...

وتوته توته خلصت الحدوته


 
 توقيع : تحرير



عندما تعشق القدس ..حبا لو تدريه ..لو تعيشه ..لما لمتني ياصاح
أيها العالم فاعلم اني للقدس أعشق ..واني قد نذرت الروح لها


رد مع اقتباس
قديم 05-30-2011, 08:02 PM   #4
النخبة


الصورة الرمزية تحرير
تحرير غير متواجد حالياً

بيانات اضافيه [ + ]
 رقم العضوية : 2018
 تاريخ التسجيل :  Nov 2010
 أخر زيارة : 01-09-2013 (10:02 PM)
 المشاركات : 1,351 [ + ]
 التقييم :  10
 الدولهـ
Palestine
 الجنس ~
Female
 MMS ~
MMS ~
لوني المفضل : Midnightblue

الاوسمة

افتراضي



جبينة

كان يا مكان في قديم الزمان هالمرة(إمرأة) لا بتحبل ولا بتجيب . يوم مر بياع هالجبنة ؟ قامت قالت :" يا طالبة يا غالبة تطعمني بنت يكون وجهها أبيض مثل قرص هالجبنة ؟" الله نطق علسانها حبلت وجابت هالبنت وجهها أبيض مثل قرص الجبنة , وسمتها ( جبينة )



لمن كبرت جبينة صارت حلوة كثير , وصرن بنات الحارة يغرن منها ., يوم رحن رفقاتها قالنلها :" يللا يا جبينة نروح نلقط دوم ". قالتلهن :" غير ما تقولن لإمي " .




رحن قالن لإمها :" ياإم جبينة بحياة جبينه تخلي جبينة تيجي معانا نلقط دوم ." قالتلهن :" أنا بخصنيش . روحن قولن لأبوها ."



رحن قالن لأبوها:" يا أبو جبينة بحياة جبينة تخلي جبينة تيجي معانا نلقط دوم ." قالهن :" أنا بخصنيش . روحن قولن لعمتها ".


رحن قالن لعمتها :"يا عمة جبينة بحياة جبينة تخلي جبينة تيجي معانا نلقط دوم ."


قالتلهن:" أنا بخصنيش رحن قولن لخالتها ".



رحن قالن لخالتها :" يا خالة جبينة بحياة جبينة تخلي جبينة تيجي معانا نلقط دوم



قالتلهن خالتها :" طيب خليها تروح ". سحبن حالهن هالبنات و رحن يلقطن دوم وصلن شجر الدوم قالن :" أني اللي بدها تطلعلنا عالشجرة ؟ جبينة كانت أصغر وحدة و أعقل وحدة قالت :" أنا بطلع ".



". طلعت وصارت قطعلهن دوم وتسقط تحت الشجرة . قالنلها احنا بنملليلك جونتك (الجرة). ملين جونهن دوم وملين جونتها حلزون . صارت الدنيا مع الغياب دشرنها ع ظهر الشجرة وروحن ع دورهن .جبينة ما عرفتش تطيح عن الشجرة وصارت الدنيا ليل راحت إمها سألت رفقاتها قالنلها جبينة ما راحتش معنا .


بعدين إجا هالخيال راكب هالفرس صارت هالفرس تقدم على هالشجرة و ترجع لورا خايفة , اطلع ع هالشجرة شاف هالبنت قالها :" طيحي عن هالشجرة " مارضتش لأنها خايفة قالها :" قالها :" عليكي الأمان و أمان الله ردت هالبنت وطاحت و ركبها معاه عالفرس وروحها معاه


بالليل جبينة دهنت حالها كلها أسود عشان بدهاش حدا يعرفها , الصبح فكروها عبدة صاروا يودوها تسرح بالغنم و الطرش صارت جبينةكل يوم و هي سارحة بهالطرش تقول "




ياطيور طايرة في جبال عالية



ترعى غنم ترعى نوق وتقيل تحت الدالية



سلمن ع امي و أبوي وقولن جبينة راعية


وتصير تبكي , وتصير هالطيور تبكي و الغنم و هالطرش تبطل توكل و تصير كلها تبكي . لاحظ ابن الأمير انه هالطرش بروح عالمرعى ويروح بدون أكل , كل يوم بضعف عن يوم .

قال :" والله غير ألحقها و أشوف شومالها ."



لحق الطرش . لمن وصلوا ع المرعى قعدت جبينة و صارت تقول :


ياطيور طايرة في جبال عالية


سلمن عامي و أبوي وقولن جبينة راعية


ترعى غنم ترعى نوق وتقيل تحت الدالية


وتصير تبكي , وتصير هالطيور تبكي و الغنم و هالطرش تبطل توكل و تصير كلها تبكي, ووقف صار يبكي وكل شي موجود حوليها صار يبكي .وهو ابن الأمير وقف وصار يبكي .

المغرب , قالها :" تعالي , قري الصحيح . مين انتي , وشواللي صار معك ؟".


قالتله :" أنا اسمي جبينة , وصار معي هيذ هيذ هيذ ."


وقامت هالشحار الأسود عن وجهها المشحرة و الا هي شو ؟ مثل القمر .
إجا ابن الملك املك ( و أملك يعني عقد قرانه عليها ) عليها وقاموا هالأفراح و هالليالي الملاح , وتجوزها وجابت امها و أبوها لعندها



وجيت من عندهن وجاي

وطار طيرها و عليكم غيرها


 
 توقيع : تحرير



عندما تعشق القدس ..حبا لو تدريه ..لو تعيشه ..لما لمتني ياصاح
أيها العالم فاعلم اني للقدس أعشق ..واني قد نذرت الروح لها


رد مع اقتباس
قديم 05-31-2011, 11:32 AM   #5
النخبة


الصورة الرمزية تحرير
تحرير غير متواجد حالياً

بيانات اضافيه [ + ]
 رقم العضوية : 2018
 تاريخ التسجيل :  Nov 2010
 أخر زيارة : 01-09-2013 (10:02 PM)
 المشاركات : 1,351 [ + ]
 التقييم :  10
 الدولهـ
Palestine
 الجنس ~
Female
 MMS ~
MMS ~
لوني المفضل : Midnightblue

الاوسمة

افتراضي



العنزة العنزية


كان يا مكان يا مستمعين الكلام. وما يطيب الهرج والكلام إلا بذكر الله. لا إله إلا الله.
في هالعنزة إلها أربع أولاد واحد اسمه سعسع وواحد اسمه حمحم وواحد اسمه معمع وواحد اسمه حماحم. كل يوم بتطلع العنزة الصبح وبترجع الظهر حامله على ظهرها يندك حشيش وابزازها مليانه حليب. أولاداتها جوا الدار. بتدق ع الباب.
- يا أوليداتي ما.. يا اسخيلاتي ما.. افتحوا بويباتي با. ع ظهري بندك حشيش... وابزازي مليانات حليب.
بهيظوا الأولاد، وبفتحوا الباب. بوكلوا هالحشيش ويرظعوا الحليبات وبقيلوا بجنب امهم.
والله يوم من ذات الأيام طلعت العنزة في رزقة أولادها.. هي بتطلع من هون والغول بيجي من هون. أثاري الغول يبقى سامع وعارف إنه في غنزه وأولادها. أجا الغول. صار يدبدب ع الباب ويقول بصوت هرج.
- يا أوليداتي ما.. افتحوا ابويباتي با. ع ظهري بندك حشيش... وابزازي مليانات حليب.
هاظوا السخول يفتحوا.. نط الزغير.. قالهم ولكم هذا الغول. الغول. مش الغول... ما ردوش على سعسع وراح يفتحوا الباب. زرق واتخبى بالقش. والله فتحوا الباب من هون والغول فات من هون.
صاروا يتفارخوا نط عليهم الغول وسرطهم في بطنه.
ما أقرب من فرج الله أجت العنزه.. لقيت الدار قفره والمزار بعيد. خرفها سعسع من قصقص لسلام عليكم.. طلعت.. راحت على ظهر بيت الغول وقعدت تدبك... صار الغول يقول:
مين اللي ع حيطاننا كسر فخارنا
ردت عليه العنزة:
- هاي العنزة العنزية، أم قرون احديدية، اللي أكل معمع وحمحم وحماحم يطلع ع البر يزاحم.
قالها الغول استنيتي تمني أعمل قرون من عجين وانزل لك. استنته. عمل قرون من عجين وقعد بالشمس. ونزل لها. قالت يا ستين بقرون العجين وكسرتهن بظربة واحدة. قالها استنيني تمني أعمل قرون من طين... عمل قرون من طين وقعد بالشمس تانشفت ونزل لها.. برظه كسرتهن بظربه واحدة. قالها استنيني تمني أعمل قرون حديد. فاظت مع العنزة. قالت له وبعدين معاك وراحت ظاربه بطنه بقرونها وفجرته.. نطوا أولادها معمع وحمحم وحماحم.. أخذتهم وخلت الغول متلس.


 
 توقيع : تحرير



عندما تعشق القدس ..حبا لو تدريه ..لو تعيشه ..لما لمتني ياصاح
أيها العالم فاعلم اني للقدس أعشق ..واني قد نذرت الروح لها

التعديل الأخير تم بواسطة تحرير ; 05-31-2011 الساعة 11:38 AM

رد مع اقتباس
قديم 05-31-2011, 11:37 AM   #6
النخبة


الصورة الرمزية تحرير
تحرير غير متواجد حالياً

بيانات اضافيه [ + ]
 رقم العضوية : 2018
 تاريخ التسجيل :  Nov 2010
 أخر زيارة : 01-09-2013 (10:02 PM)
 المشاركات : 1,351 [ + ]
 التقييم :  10
 الدولهـ
Palestine
 الجنس ~
Female
 MMS ~
MMS ~
لوني المفضل : Midnightblue

الاوسمة

افتراضي



الجمل والحمار



كان من جملة الحكايات بأنه جمالة من كثر ما حملوا على هالجمل وقام ظعف وهزل وتركوه في الخلا وأخذوا حمله ع الجمال الثانيا وتركوه في الخلا
أجت قفالة ثانية معهم حمار من جملة الحيوانات. لخري هزل وكذلك تركوه، هذوله في هالحرش صارن يرعين ونصحهن وما حداش شايفهن في هالشجر.
شو قال الحمار للجمل. قال:
- إجا على بالي أغني.
قاله الجمل:
- يا زلمة هالقيت إن غنيت بسمعونا وبيجوا علينا وبنرجع مثل ما بقينا قبل. خلينا مستورين.
قال له: لا بد أغني. يا راجل أجاك الله يا ابن الناس.
قاله أبداً إلاّ أغني. وما غنى حتى أجوه المراقة. قالوا ايه والنبي هان في حمار. يم طلعوا لقيو الجمل. أخذوهم. قالوا هذول ناصحاتأخذوهن. هان الحمار صاروا يحطوا عليه حمله. مع طول المشوار برخ. قالوا هاظا كذاب ونصاب. حطوه ع ظهر الجمل. مشي الجمل اشويه. قال الجمل أنا في بالي أرقص. قاله الحمار:
- يا زلمة بتوقعني.
قاله الجمل:
- مثل ما غنيت بدي أرقص. هز حاله الجمل. وقع لحمار عن ظهر الجمل إلاّ رقبته مكسوره. يم أخذوا الجمل. وهاي الحكا


 
 توقيع : تحرير



عندما تعشق القدس ..حبا لو تدريه ..لو تعيشه ..لما لمتني ياصاح
أيها العالم فاعلم اني للقدس أعشق ..واني قد نذرت الروح لها


رد مع اقتباس
قديم 05-31-2011, 07:02 PM   #7
استشاري


الصورة الرمزية عزمي بنات
عزمي بنات غير متواجد حالياً

بيانات اضافيه [ + ]
 رقم العضوية : 10
 تاريخ التسجيل :  Nov 2009
 أخر زيارة : 11-20-2014 (05:23 PM)
 المشاركات : 4,526 [ + ]
 التقييم :  10
لوني المفضل : Black
افتراضي



توثيق هذه القصص الشعبية وتوريثها لاجيالنا ولاطفالنا امانة في اعناقنا الى يوم الدين
فلنعمل دائما على تخزين ذاكرة الاجيال بالموروث الشعبي لبلدتنا عجور ولوطننا
بوركتي وجزاك الله الخير كله


 
 توقيع : عزمي بنات



رد مع اقتباس
قديم 05-31-2011, 07:16 PM   #8
لا تنسى ذكر الله
روح لا يمسها عابر


الصورة الرمزية عذبة كالطفولة
عذبة كالطفولة غير متواجد حالياً

بيانات اضافيه [ + ]
 رقم العضوية : 2401
 تاريخ التسجيل :  May 2011
 أخر زيارة : 09-06-2012 (10:55 PM)
 المشاركات : 2,526 [ + ]
 التقييم :  10
 الدولهـ
Jordan
 الجنس ~
Female
 MMS ~
MMS ~
 SMS ~
لســت الأفـــضـل ولـكـن لـي أســـلـوبـي
سـأظـل دائـمـا اتـقـبـل رأي الـناقد و الحاسد
فـالأول يـصحح مـساري
والــثــانــي يـزيـد مـن اصـراري
لوني المفضل : Indianred

الاوسمة

افتراضي



حكايات زمان ...
كم احن الى حكايات امي وروايتها لنا قبل النوم ...

كم احن الى حكايات والدي (رحمه الله) ... والعبر التي كان يعطيها لنا من ورائها ... كم أحن

تلك هي اجمل القصص والحكايات ... تروى على مسامعنا بصوت من نحب فكيف ننساها ....

بوركت أخيتي وسلمت يداك


 
 توقيع : عذبة كالطفولة



رد مع اقتباس
قديم 05-31-2011, 10:34 PM   #9
النخبة


الصورة الرمزية تحرير
تحرير غير متواجد حالياً

بيانات اضافيه [ + ]
 رقم العضوية : 2018
 تاريخ التسجيل :  Nov 2010
 أخر زيارة : 01-09-2013 (10:02 PM)
 المشاركات : 1,351 [ + ]
 التقييم :  10
 الدولهـ
Palestine
 الجنس ~
Female
 MMS ~
MMS ~
لوني المفضل : Midnightblue

الاوسمة

افتراضي



اقتباس : المشاركة الأصلية كتبت بواسطة عزمي بنات [ مشاهدة المشاركة ]
توثيق هذه القصص الشعبية وتوريثها لاجيالنا ولاطفالنا امانة في اعناقنا الى يوم الدين
فلنعمل دائما على تخزين ذاكرة الاجيال بالموروث الشعبي لبلدتنا عجور ولوطننا
بوركتي وجزاك الله الخير كله

مشكور أخي ابو معاذ على مرورك الذي نور متصفحي المتواضع


 
 توقيع : تحرير



عندما تعشق القدس ..حبا لو تدريه ..لو تعيشه ..لما لمتني ياصاح
أيها العالم فاعلم اني للقدس أعشق ..واني قد نذرت الروح لها


رد مع اقتباس
قديم 05-31-2011, 10:36 PM   #10
النخبة


الصورة الرمزية تحرير
تحرير غير متواجد حالياً

بيانات اضافيه [ + ]
 رقم العضوية : 2018
 تاريخ التسجيل :  Nov 2010
 أخر زيارة : 01-09-2013 (10:02 PM)
 المشاركات : 1,351 [ + ]
 التقييم :  10
 الدولهـ
Palestine
 الجنس ~
Female
 MMS ~
MMS ~
لوني المفضل : Midnightblue

الاوسمة

افتراضي



اقتباس : المشاركة الأصلية كتبت بواسطة عذبة انت كاطفولة [ مشاهدة المشاركة ]
حكايات زمان ...
كم احن الى حكايات امي وروايتها لنا قبل النوم ...

كم احن الى حكايات والدي (رحمه الله) ... والعبر التي كان يعطيها لنا من ورائها ... كم أحن

تلك هي اجمل القصص والحكايات ... تروى على مسامعنا بصوت من نحب فكيف ننساها ....

بوركت أخيتي وسلمت يداك

مشكورة غاليتي عذبة كالطفولة على مرورك العطر الذي نور متصفحي

وفعلاً دائماً أتذكر قصص امي وارويها لابنائي وهي كمان دائماً تحكي لهم عن قصص البلاد وهم بحبوها وبحفظوها


 
 توقيع : تحرير



عندما تعشق القدس ..حبا لو تدريه ..لو تعيشه ..لما لمتني ياصاح
أيها العالم فاعلم اني للقدس أعشق ..واني قد نذرت الروح لها


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
F.T.G.Y 3.0 BY: D-sAb.NeT © 2011

جميع الآراء المنشورة للموقع تعبر عن وجهة نظر صاحبها ولا تعبر عن وجهة نظر ادارة الملتقى

تمت الارشفة بواسطة : المهندس طارق ( شركة النورس لخدمات الويب الكاملة )

a.d - i.s.s.w

vEhdaa 1.1 by NLP ©2009