المساعد الشخصي الرقمي

مشاهدة النسخة كاملة : تعالي نبني الاحلام


ابراهيم سعيد العجوري
11-22-2009, 08:52 PM
تعالي نبني الاحلام

اشوفك يابعد نبضي وكل الكون يتبسم
وفي قربك يمر الوقت ما ادري كم الساعه
وقلب يشتعل بالشوق صامت كيف يتكلم
وكفّ الهم في بعدك وجه القلب صفـّاعه
دخل شوقك شراييني وجيش القلب له سلّم
ونفسي من زمن ولهى وصلك حيل طمّاعه
ولو غبتي شعاع النور بالعالم غدا مظلم
جميع الكون يتغيّر تكدّر صافي اوضاعه
شهيد الله في قولي بدونك كلـّي اتألم
اسافر في سما فكري ونار الحب لوّاعه
انا الوافي وجاني الحب والاخلاص يتعلـّم
ولو يشري خفوقي شخص طول الوقت ما باعه
تعالي واسكني جوفي اكيد القلب لك يفهم
تعالي واقسمي قلبي لك افراحه ولي اوجاعه
تعالي نبني الاحلام دام الحظ يتبسّم
تعالي يمكن الاقدار تكسر عقرب الساعه

عجورية وافتخر
11-22-2009, 08:53 PM
جميل جدا يسلمووووو

الوجيه بن طريّق
02-25-2015, 02:50 AM
بسم الله الرحمن الرحيم
السلام عليكم ورحمة الله وبركاته ،

تسلم على هذا القصيد الطيب من لسان طيب كطيب اصله حماك المولى اخونا الغالي ابراهيم سعيد العجوري ولك اجمل التحية والتقدير متشوقون لجديدك .
تحياتي ،

ريما احمد
02-25-2015, 07:13 PM
http://www11.0zz0.com/2011/11/08/02/269803623.gif